TACLOBAN CITY – Usa nga abandunado nga panimalay ha Brgy. 58, Aslum, Sagkahan, Tacloban City an ubusay la nga maugbaw han sunog kagab-i, Nobyembre 10.
Sumala kan Dante Rosales, usa ha mga naukoy harani ha nasabi nga balay, paglabay nira in may-ada hiya nahikit-an nga lamrag hin kalayo tikang ha nasabi nga balay sanglit nanawag daw hiya dayun hin matawag hin bombero.
Sumala pa hine, subay ha mga nakakita, in mayda mga kabataan nga nagmulay didto han sulod han nasabi nga panimalay, kun diin dida han ugsa pa umabot an bombero in mayda daw sumulod nga mga residente ha nasabi nga balay agud prubaran nga parungon an kalayo gamit an fire extinguisher, ngan didto nahikit-an nga mayda mga dinagkutan hin posporo ha lugar.
Nagka-urusa naman daw an mga residente han nasabi nga lugar nga hawanon an karsada para makasulod dayun an bombero rason nga naparong dayun an kalayo ngan waray na kadayon kasunog an panimalay.
