
Umubos ha $98 bilyon an gross international reserves (GIR) han Pilipinas ha paghuhuman han Oktubre, samtang nakaghipatik naman $1.5 bilyon nga deficit an overall balance of payments han nasud ha nasabi nga bulan, subay ha Bangko Sentral ng Pilipinas (BSP) dida han Biyernes.
Iginsusumpay han BSP an pag-ubos han foreign reserves ha net foreign exchange operations hini, pag-ubos han kantidad han bulawan ha world market, ngan net foreign currency withdrawals han nasyunal nga gobyeno para ha pagbabayad han utang ha gawas ngan iba pa nga panginahanglan nga pondo.
Ha kaluyo naman han pag-ubos, gin sigurado han central bank nga nagpapabilin nga suprisyente an reserba agud batunon an panginahanglan ha pag-aangkat han nasud, baydan an mga obligasyon nga utang ha gawas, ngan magserbi nga depensa kontra ha mga pagbabag-o ha world market.
Kaparehas an nasabi nga reserba hin 6.1 kabulan nga kantidad hin importasyon han mga kalakal ngan pagbabayad ha mga serbisyo ngan primary income, ngan akos pun-an ahin sobra-kulang 3.2 kabeses an short-term external debt han nasud subay ha residual maturity.
Samtang, mahitungod ha $1.5 bilyon nga BOP deficit dida han Oktubre, humaluag ha $10.6 bilyon an kabug-usan nga kakulangan ha syahan nga 10 kabulan han 2026, nga mas hitaas kumpara ha $4.6 bilyon nga deficit ha parehas nga panahon dida han nakalabay nga tuig.
Eksplikar han BSP, nasalamin an year-to-date deficit ha padayon nga kakulangan ha kalakan han mga produkto ngan net outflows tikang ha foreign portfolio investments, nga napun-an hin gutiay han padayon nga pagsulod han remittances tikang ha mga overseas Filipino, langyawanon nga pautang han gobyernom trade in services, ngan foreign direct investments.






_2026_11_18_08_13_14.jpg)



