Gin kumpirma han National Privacy Commission o NPC dida han Martes han gab-i, Nobyembre 10, nga nakakarawat na hira hin personal date breach notification tikang ha napulo nga ahensya han gobyerno.
Kaupod ha dinhi an masunod:
1. Presidential Commission on Good Government (PCGG);
2. Department of Information and Communications Technology (DICT);
3. Department of Labor and Employment (DOLE), pinaagi han ira Bureau of Local Employment;
4. Bureau of Internal Revenue (BIR);
5. Philippine Amusement and Gaming Corporation (PAGCOR);
6. Department of Justice (DOJ), pinaagi han ira Office for Alternative Dispute Resolution;
7. Securities and Exchange Commission (SEC);
8. Philippine Coast Guard (PCG);
9. Department of Trade and Industry (DTI); ngan,
10. Department of Science and Technology – Philippine Institute of Volcanology and Seismology (DOST-PHIVOLCS).
Sumala kan NPC Deputy Privacy Commissioner, Spokesperson Atty. Jose Belarmino II, importante an pagsusumiote han personal date breach notifications agud magkamay-ada hin access ngan mapanginano han Compliance and Monitoring Division han NPC an mga nahipatik nga insidente, epekto hini an apektado nga indibidwal, ngan an mga ginbuhat nga pitad han ahensya agud mabaton ini.
Ha yana, igin aandam na han nasabi nga dibisyon an report kasumpay han resulta han panginano ngan rekomendasyon nga igpapasa naman ha Commission En Banc.
Pahinumdom pa han NPC, dire nahuhuman ha pagsusumite han personal data breach notification an pag-protekta ha personal nga datos, lugod in kinahanglan la gihapon magtudlok hin kaangayan nga pitad an mga ahensya han gobyerno agud mabaton an security incident, maibanan an potensyal nga epekto ha apektado nga indibidwal, ngan pakusgon an proteksyon hini agud dire na mautro pa.
Samtang, gin aghat naman han NPC an publiko nga magin mabinantayon kontra ha phishing, fraudulent messages, identity theft, ngan iba pa nga hulga nga posible nagtikang ha na-leak nga personal nga mga datos.
