-- Advertisements --
Suportado han Bureau of Immigration an panukala ni Transportation Sec. Vince Dizon nga pahalawigon an paggamit han electronic Immigration gates o e-gates para ha tanan han naulpot ngan nalakat nga pasaheros ha Ninoy Aquino International Airport.
Panuyuan hini mapadagmit an Immigration processing ngan maibanan an halaba nga pila ha airport.
Ha ilarum han panukala, puydi na nga dire umagi ha face-to-face interview an mga pasaheros nga makakapasar ha automated screening, labot ha mga magkikinahanglan hin kadungangan nga eksaminasyon.
Samtang, nahuman na gihapon an siyahan nga parte han pagpapahaluwag ngan pag-upgrade han e-gates ha Clark, Cebu ngan Davao, nga may kaupod nga biometric system agud matudlok an possible nga passport fraud.
