Padayon nga igpapatuman han Senate Impeachment Court an sub judice rule o an Rule 18 han Senate Impeachment Court ha ngatanan han Articles of Impeachmenmt nga igin salawad kontra kan Vice President Sara Duterte.
Kaupod na dinhi an tulo nga Articles of Impeachment nga syahan nga ginbawi han House Prosecution Panel.
Ha duha ka-pahina nga mando nga gin isyu ni Senate Impeachment Court Presiding Officer Chiz Escudero, nga mayda petsa nga Nobyembre 5, iginmando hini an patas nga pagpapatuman han sub judice rule ha ngatan han Articles of Impeachment, ini man in igin atras o padayon nga gindudungog.
Ginbabawalan dinhi an mga sakop han Impeachment Court nga maghatag, mag-isyu hin anuman nga public statement o commentary kasumpay han mga merito han gindudungog o anuman nga may paghisumpay ha articles of impeachment nga ginpasaka ha Impeachment Court.
May pahimatngon na gihapon sisirotan hin kaangayan nga sirot an magtatalapas.
Mahuman bawion han prosekusyon an tulo nga articles of impeachment, usa nala an dudunggon o an Article nga alegasyon kan VP Sara Duterte mahitungod ha pagtalapas han Konstitusyon mahitungod ha pagkakamay-ada hin dire mai-eksplikar nga karikuhan ngan dire pagde-deklara han tinuod nga karikuhan hini ha iya Statement of Assets, Liabilities and Net Worth (SALN).
