Gin sigurado han Philippine National Police (PNP) nga ira gagamiton an ngatanan han mga resources kumo kaparte han paghahatag han seguridad ha tikaharani nga 49th Association of Southeast Asian Nations (Asean) Summit and Related Summits.
Sumala kan PNP chief General Jose Melencio Nartatez Jr., ngatanan han paghahatag hin seguridad in ira igpapatuman agud magin talwas an nasabi nga katitirok. Magdedeklara gihapon hira hin alert status kun kikinahanglanon.
Ginlalauman manggud nga maatender an mga delegado tikang ha iba nga nasud kaupod na hi US President Donald Trump para ha regional high-stakes meetings ha Nobyembre 16.
Ha yana, sumala kan Nartatez, in mayda la low-level threat an ira nakikit-an.
Nasisigurado gihapon hini nga naandam an kapulisan kaupod an pira ahensya para ha paghahatag hin seguridad ha mga opisyal nga maatender ha katitirok.
