Ginmalatumat ni Camarines Sur 4th District Rep. Arnie Fuentebella nga baga hin ginpadako la an isyu kasumpay ha sayop nga coordinates han mga Farm-to-Market Road (FMR) projects mahuman aminon han Department of Agriculture (DA) nga walo la ha kabug-usan nga 1,669 nga proyekto an mayda sayop.
Sumala kan Fuentabella, waray pa usa nga ka-porsyento han mga proyekto an apektado sanglit dire angay huna-hunaon nga sayop an bug-os nga programa han FMR.
Duon pa hini, dire panuyo han Kongreso nga manayop kundi siguraduhon nga maupay an pagpapatuman han mga proyekto.
Ginpahayag pa ni Fuentabella nga pwede pa ig-correct an mga sayop samtang nagpapadayon an paghingaday ha budget ha Senado ngan bicameral conference committee.
Gin aghat gihapon niya an DA nga pag-upayon an geotagging ngan panginano han mga proyekto, labi na ha mga tay-aw nga lugar nga maluya an signal.
Samtang, nagpatapod naman an DA nga igsasakto an sayop nga impormasyon ngan papakusgon an proseso han beripikasyon agud dire na mautro an sugad nga sayop.
Gintagan-duon han mga magbabalaod nga importante an FMR projects ha pagpapa-ubos han gastos ha transportasyon ngan pagpapahitaas han kita han mga parag-uma.
_2026_11_05_12_05_14.jpg "Jessica Sanchez, iginpaangbit an iya Boracay gateway kaupod an iya anak")
