Ginpapasigurado han House of Representatives ha mga kaangayan nga ahensya han gobyerno nga maihahatag hin malaksi an P6.2 bilyon nga kantidad nga bulig ha sektor han agrikultura, labi na ha sobra 310,000 nga mga parag-uma nga paru-pangisda nga duro nga apektado han Super El Niño.
Iginpahayag ini ni Quezon Representative Mark Enverga ha pagdungog han ginmamanguluhan niya nga House Committee on Agriculture and Food subay ha kamanduhan ni House Speaker Faustino “Bojie” Dy III.
Panuyo han pagdungog nga masigurado nga an salapi han nasud in magagamit hin sakto ngan sigurado nga makakaabot ha mga kumunidad nga duro nga apekto han duro nga katsirak.
Ha pagdungog, iginlatag han Department of Agriculture (DA) an mga pitad ngan plano nga pagbaton ha El Niño nga gin alutagaan hin P61.99 bilyon nga pondo ha ilarom han 2026 budget ngan dugang nga P10 bilyon ha ilarom han panukala nga 2027 budget.
Sumala kan Agriculture Assistant Secretary for Operations U-Nichols Manalo, kaupod ha nasabi nga pondo an P6.2 bilyon nga nai-release na ha ilarom han Unified Package for Livelihoods, Industry, Food, and Transport (UPLIFT) Program.
Duon ni Manalo, sisiguraduhon han ira mga aksyon an pagpapabilin han sakto nga produksyon han pagkaon para ha bug-os nga nasud, proteksyon ha kita han mga parag-uma ngan paru-pangisda ngan paningkamot nga magin abot-kaya an presyo han pagkaon.
_2026_11_05_12_05_14.jpg "Jessica Sanchez, iginpaangbit an iya Boracay gateway kaupod an iya anak")
