Nakakarawat hin magkadurudilain nga award an Taguig City tikang ha Department of Health–Metro Manila Center for Health Development (DOH-MMCHD) komo pagkilala ha mga programa nga panlawas ngan serbisyo nga ginhahatag ha mga residente.
Nakuha han Taguig an tulo nga Good Practices in Health (GPH) recognition ngan ginkilala koo nag-uusaan nga lokal nga pangobyernuhan ha Metro Manila nga nakakuha hin pareho nga kalampusan. Lakip dinhi an Taguig Doctor On Call, 24/7 Community-based Super Health Centers ngan Physical Medicine and Rehabilitation Unit.
Ginkilala gihapon an syudad komo Outstanding LGU ha Barangay Health Workers Community-Based Service Delivery tungod ha paghatag hin panguna nga serbisyo medikal ha mga komunidad, labi na ha mga lugar nga kulang ha serbisyo panlawas.
Nakakarawat gihapon an Taguig hin Plaque of Comendation para ha performance hini ha LGU Health Scorecard tikang 2023 tubtob 2025.
