Umabot ha sobra 37,000 pasaheros an nahipatik ha mga pantalan ha bug-os nga nasud ha syahan nga unom kaoras han Adlaw han mga Santo, Nobyembre 1, subay ha Philippine Coast Guard (PCG).
Basar ha datos han PCG, ada ha 19,669 an mga pasaheros nga bumiyahe pagawas han mga pantalan, samtang 17,644 naman an mga umabot tikang han alas-12 han maagahon kutob alas-6 han aga.
Kumo kaparte han Oplan Biyaheng Ayos yana nga Undas 2026, nagdumara na gihapon an PCG hin inspeksyon ha 161 nga barko ngan 160 nga motorbanca agud masigurado an katalwasan han mga sakayan-pandagat.
Nag-deploy na gihapon an ahensya hin 6,153 nga tawuhan ha mga pantalan ha bug-os ngan nasud ngan ginpahitaas an alerto ha mga distrito ngan istasyon hini agud masigurado an katalwasan han mga pasaheros ha ginlalauman nga pagdamo han mga biyahero.
