Klaro para ha House Prosectution Panel an mensahe han mga survey nga mas damo nga mga Pilipino an karuyag nga masirotan hin guilty hi Vice President Sara Duterte ha gin kakaatubang nga impeachment case imbes nga ma-abswelto.
Ginmalatumat ini ni House Prosecution Panel adviser ngan Spokesman Robert Ace Barbers mahuman nga gumawas ha Momentum Research survey, nga gindumara dida han Oktubre 16-19, nga 38.8% han mga Pilipino an natuod nga kinahanglann ig-convict han Impeachment Court hi VP Sara mahitungod ha alegasyon nga mayda ini dire mai-eksplikar nga karikuhan, samtang 33.8% naman an pabor nga hiya in ma-abswelto.
Duon ni Barbers iginpapakita hini nga dire basta-basta nawawara ha huna-huna han katawhan an istoryahon han pagbaton, labi na kun an gin iistoryahan in an karikuhan han usa nga hitaas nga opisyal han gobyerno.
Dugang pa hini, waray opisyal nga angay magin exempted ha pagbaton, labot ha dire gihapon angay magdaog an propaganda ha kamatuoran, sugadman an gahom han hustisya.
