Lumahos na ha 5,000 an namatay mahitungod ha Ebola outbreak ha Democratic Republic of Congo, subay ha iginpagawas nga government data.
Umabot na ha 10,000 katawo an nahipatik nga infected tikang pa hadton Mayo. Samtang, waray la gihapon aprubado nga tambal o bakuna agud patayon an kakaiba nga klase o strain han Ebola virus nga nagdudurot hin Bundibugyo virus disease (BVD).
Subay ha rekord ha mga otoridad, walo ha 26 nga probinsya ha Congo an apektado na han Ebola virus, kun diin damo na an nahipapatik nga namatay ha gawas han treatment centers.
Iginkokonsidera ini nga ikaduha ha pinakadako ha bug-os nga kalibutan ha kasaysayan.
An pagsarang han Ebola outbreak yana nga tuig in iginkokonsidera kumo ikaduha ha pinakadako ha kasaysayan han kalibutan, kasunod la hadton 2014-2016 nga nakatapon hin haros 28,600, ngan pumatay hin haros 11,000 ha Guinea, Liberia, ngan Sierra Leone.
Dida han nakalabay nga Dominggo, an Nigeria an ikaupat nga African country nga nahipatik nga mayda kaso hin Ebola.
Samtang, dumugang gihapon an mga nasud Kenya ngan Uganda ha East African countries nga nakaghipatik han Ebola case.
