Ginsigurado ni lead prosecutor ngan Batangas Rep. Gerville “Jinky Bitrics” Luistro nga magpapadayon an imbestigasyon ha mga opisyal han Department of Education (DepEd) ngan Office of the Vice President (OVP) nga dabi ha mga alegasyon han sayop nga paggamit han confidential funds ngan bribery, bisan ginbawi na an tulo nga reklamo ha impeachment trial ni Vice President Sara Duterte.
Sumala kan Luistro, gin-iimbestigaran na han Office of the Ombudsman tikang pa dida han 2024 an mga alegasyon kontra ha mga opisyal han duha nga ahensya. Dugang pa ni Luistro, nga posible nga umabot ha kaso nga kriminal o sibil an mga ini depend ha magigin resulta han imbestigasyon.
Ginklaro ni Luistro nga diri nangangaruyag sidngon nga nahuman na an mga imbestigasyon tungod ginbawi han prosecution an mga artikulo kanit ha confidential funds, bribery ngan grave threats ha impeachment trial. Ginpahayag gihapon ni Luistro nga waray nasayang ha proseso nga gindumara han Kamara.
Ginpahayag ni Luistro nga andam an prosecution nga ighatag ha Ombudsman an mga dokumento ngan ebidensya nga ira nakuha ha mga hearing han Kamara ngan impeachment proceedings agud makabulig ha padyon nga imbestigasyon.
