Kausa an Malakanyang ha panawagan han 35 business groups nga tanggalon an mga insertions ha panukala nga 2027 national budget ngan siguraduhon nga dire maabuso an pondo han gobyerno.
Sumala kan Palace Press Officer Usec. Claire Castro, nakalatag na ha National Expenditure Program o NEP an mga programa ngan proyekto nga karuyag pondohan han administrasyon Marcos.
Sugadman, ada ha Kongreso an gahom nga manginano, magdugang o mag-iban hin pondo ha ilarom han gintatawag nga Power of the Purse.
Naglalaum an Palasyo nga dire maiibanan an panukala nga budget han ehekutibo, labi na kun maaapekteran hini an mga nakaalutaga nga programa ngan proyekto han gobyerno.
Iginduon ni Castro nga kinahanglan siguraduhon nga magagamit an pondo han nasud para ha mga programa nga direkta nga matatagamtama han publiko.
