Harayo pa ha finish line an impeachment proceedings kontra kan Vice President Sara Duterte.
Ini an gin klaro ni Palace Press Officer Undersecretary Claire Castro kasunod han paggawas han pira nga ngaran nga posible sumaliwan ha bise prsidente ha oras nga mapatalsik ini han impeachment court.
Sumala kan Castro, dire pa ini napapag-istoryahan ha Malakanyang kumo pagrespeto ha Office of the Vice President.
Gintagan-duon hini nga kinahanglan anay matagan hin higayon hi Duterte nga umatubang ha impeachment court ngan batunon an mga akusasyon kontra ha iya.
Ha yana, ginmalatumat ni Castro nga mas naangay hulaton anay an magigin dalagan ngan desisyon han impeachment proceedings ugsa paghingadayan an istoryahon han pasible nga kasaliwan han bise presidente.
