Igin suhestyon ni Senate President Sherwin Gatchalian sa Philippine National Oil Company (PNOC) nga singabuton an higayon nga makagtukod hin strategic petroleum reserves ha nasud pinaagi han posible nga pakikigbinuligay ha Abu Dhabi National Oil Company (ADNOC).
Ginmalatumat ni Gatchalian nga andam an ADNOC nga batunon an dako nga parte han operational requirements para ha pasilidad kabalyo han pag-aalutaga han sakto nga tuna nga pagtutukuran hini.
Dugang pa, posible gamiton han PNOC an mga tuna nga panag-iya hini para ha proyekto ngan dire na kinahanglan paihaon an istoryahon mahitungod nga andam na an ADNOC nga makigbinuligay.
Kaupod daw ha mga kondisyon nga karuyag han ADNOC an pagkakamay-ada han katungod han Pilipinas ha first refusal o syahan nga higayon nga pumalit hin naka-istak nga lana kun kikinahanglan ini han nasud.
Gintagan-duon ni Gatchalian nga importante an strategic petroleum reserves agud maproteheran an Pilipinas kontra ha pagkadelatar han pankalibutan nga suplay han lana ngan pabag-o bag-o nga presyo han petrolyo.
