PCO, pahuhugton an pakikigbinuligay ha media kontra fake news

Gin pahugot han Presidential Communications Office o PCO an pag-ato ha fake news ngan gin aghat an media nga siguraduhon an sakto ngan responsable nga pagbabalita.

Sumala kan PCO Undersecretary ngan Palace Press Officer Claire Castro, kinahanglan dayun ig-tama an mga sayop nga impormasyon agud dire ini magsarang ngan tuoron han publiko.

Pag-eksplikar ni Castro, natatabunan han fake news an mga tinuod nga balita ngan naaapektaran dire la an gobyerno kundi pati an lehitimo nga media.

May anti-fake news desk gihapon an PCO nga nagbabantay ha mga sayop nga impormasyon ngan nagtutudlok ha mga kaso nga posible igpasaka.

Sugadman, gin klaro ni Castro nga magkaiba an lehitimo nga pagsukna ngan gobyerno ngan an tinuyo nga pagpapasarang hin buwa agud mandaot.

Gin sigurado han opisyal nga padayon nga makikigbinuligay an PCO ha media agud atuhan an fake news nga maihatag ha publiko an sakto ngan matatapuran nga impormasyon.