Naglalaum hi Nancy Dela Rosa nga mahuna-hunaan gihapon han pira nga gamhanan nga dire kaaway han nasud ngan han gobyerno hi Senator Ronald “Bato” dela Rosa.
Ha Facebook post han asawa hi Bato, nagpapasalamat hiya nga milyon-milyon nga Pilipino an natuod ngan padayon nga nasuporta ha iya asawa.
Ginpahayag gihapon hini nga iya igin aampo an pira nga hintutuinan nga sangkay gihapon han senador nga makita nira nga dire kaaway hi Dela Rosa.
Hangyo ni Nancy Dela Rosa, dire gamiton hi Senator Bato ha ira personal agenda.
Dugang pa hini, nabuligan hira han senador ha dire maihap nga paagi ngan waray naman ini ginbuhat nga maraot ha ira.
Ginmalatumat gihapon hini nga an kinahanglan yana ni Senator Bato in bulig ngan dire han pansukna.
Manunumduman nga tikang hadton Mayo 14 in nagtago na hi Dela Rosa mahuman makumpirma nga mayda warrant of arrest na kontra ha iya an International Criminal Court ngan yana in mayda P50 million bounty o pabuya para ha igkakadakop han senador.
