-- Advertisements --
Nakit-an han Armed Forces of the Philippines (AFP) an 54 nga sarakyan pandagat han China ha pira nga parte han West Philippine Sea tikang Oktubre 20 tubtob 26, mas humitaas ini kumpara ha 31 nga naitala dida han nakalabay nga semana.
Sumala kan AFP spokesperson for the WPS Rear Admiral Roy Vincent Trinidad, lakip ha mga namonitor an mga barko han People’s Liberation Army Navy ngan China Coast Guard.
Ha kabug-usan, 14 nga barko an namonitor ha Ayungin, 17 ha Bajo de Masinloc, pito ha Escoda Shoal, ngan 16 ha Pag-asa Islads.
Padayon an tensyon ha WPS tungod ha hiluag nga pag-angkon han China ha kadagatan, pati na an territorial ngan maritime claims han pira nga nasud lakip an Pilipinas.
