Gin manduhan ni Presidente Ferdinand Marcos Jr. an mga magturutdo nga magpailarom ha paghag-id kaupod an mga psychologist ngan psychiatrist agud matudlok an mga senyales han posible nga karahasan ha mga istudyante.
Sumala kan Palace Press Officer Claire Castro, panuyo hini nga mabuligan an mga magturutdo nga makilala an mga pagbabag-o ha gios han kabataan ngan maagapan an mga problema nga posible umabot ha karahasan.
Kasunod ini han magkabulag nga insidente kun diin usa nga 12-anyos nga istudyante an gin aalegar mayda dara nga pusil harani ha usa nga elementary school ha Misamis Oriental, samtang usa nga 13-anyos naman an gin aalegar nanmuno hin 11-anyos nga kaklase hini ha Davao City.
Ginmanduhan gihapon han Presidente an mga magturutdo, kag-anak, opisyal han barangay, ngan social worker nga magbinuligay ha pagprotekta ha mga istudyante.
Samtang, igin suhestyon naman han Department of Education an P500 milyon nga pondo ha 2027 national budget para ha pagpapakusog han seguridad ngan katalwasan han mga iskuylahan.
