Philippines rice imports near record levels due to El Niño's impact on local production. Discover the latest figures and sources.
-- Advertisements --

Umabot na ha sobra upat ka-milyon metriko tonelada an gin angkat nga bugas han Pilipinas kutob han Oktubre, samtang tikaharani ini ha pinakahitaas nga lebel nga nahipatik ha butnga han pangandaman han nasud ha posible nga epekto han El Niño ha lokal nga produksyon.

Subay ha datos han Bureau of Plant Industry (BPI), umabot ha 4.49 milyon metriko tonelada an umabot nga imported nga bugas ha nasud kutob Oktubre 29. Mas hitaas ini ha 3.39 metriko tonelada nga kabug-usan nga gin angkat dida han nakalabay nga tuig ngan haros kaparehas han rekord nga 4.48 milyon metriko tonelada dida han 2024, nga naka-ekspersyensya gihapon han El Niño.

Pinakadako nga ginkukuhaan han bugas han Pilipinas an Vietnam, nga nagsu-suplay han 2.79 milyon metriko tonelada o sobra katunga han kabug-usan nga importasyon tikang Enero kutob Oktubre. Ginsundan ini han Thailand nga mayda 666,201 metriko tonelada ngan Myanmar nga mayda 505,740 metriko tonelada.

Subay ha magkabulag nga report han United States Department of Agriculture (USDA), nakabulig gihapon an hitaas nga demand han Pilipinas ha paghitaas han exports han bugas tikang ha Thailand ngan Cambodia. Mas dumamo pa an iginpapadara nga bugas han Thailand ha mga nasud ASEAN, partikular na Pilipinas ngan Malaysia, samtang nagin pangunahon nga destinasyon naman han Cambodian milled rice an Pilipinas.

Ginlalauman han Department of Agriculture (DA) nga maabot ha lima kamilyon metriko tonelada an aangkaton nga bugas han nasud yana nga tuig, Ini in mahitungod nga padayon nga naapektaran han duro nga kapaso ngan kakulangan hin uran durot han El Niño an lokal nga produksyon.

Ginbabana-bana nga maiibanan hin dire maubos ha usa kamilyon metriko tonelada an produksyon han humay yana nga tuig, sanglit kinahanglan an mas dako nga importasyon agud mapabilin an suprisyente nga suplay han bugas.

Samtang, umabot na ha P9.99 bilyon an danyos han El Niño ha sektor han agrikultura kutob Nobyembre 11. Pinakadako an epekto hini ha produksyon han mais nga nagbubug-os ha 56.4 porsiyento han danyos, samtang 36.54 porsiyento naman an ha humay. Ginbabana-bana nga ada ha 288,424 metriko tonelada an kabug-usan nga nawara nga produksyon.