
Usa nga mga iginpaparayaw nga legasiya ni Presidente Ferdinand Marcos Jr. ha paghuhuman han pagmamangulo han Pilipinas kumo tagmangulo han ASEAN 2026 in an pagduso ngan pinalisa han Digital Economy Framework Agreement o DEFA.
Sumala ha Presidente, dire ini tigdaay nga gindesisyunan, kundi bunga han pira kabulan nga pangandaman, konsultasyon, ngan pagharampang kaupod an mga nasud nga kaapi han ASEAN tikang han Enero yana nga tuig.
Gintagan-duon gihapon ni Marcos an pagigin abri han mga membro nga nasud ha pagbug-os han uusa nga kasabutan nga magtudlok han kada ira papel ngan kontribusyon ha rehiyon.
Panuyo han nasabi nga kasabutan nga pakusgon an pagbibinuligay han ASEAN, kaupod an pagpapaupay han pagpapaangbit han enerhiya, pagbalhin ha renewable energy, pangandaman ha posible nga krisis ha lana, ngan pagpaparig-on han suplay han pagkaon.
Para kan Marcos, importante an pagkakaurusa ngan koordinasyon han mga nasud agud makabug-os hin mga konkreto nga pitad para ha panmaihaan nga pag-ursa han rehiyon.


