-- Advertisements --
Sobra 22 an gintutuohan nga patay samtang 24 naman an samaran mahuman mag-crash an usa nga bus ha cargo nga truck dida han Dominggo, Oktubre 25 ha usa nga highway ha Makaueni, Kenya.
Basar ha imbestigasyon han lokal nga pulis, tikang ha lubong an mga pasaheros sakay han nasabi nga bus han mahitabo an aksidente.
Presente naman nga nagpapaupay an mga samaran pero sumala kan Makaueni Country Commissioner Abdullahi Khalif, puydi pa humitaas an ihap han mga namatay.
Dire pa klaro an rason han nasabi nga aksidente bisan man sumala ha pulis, puydi nakaapekto ha insidente an speeding ngan maraot nga kundisyon han karsada.
