Abri daw an ‘messaging platform’ nga Discord nga magtudlok hin ira tinaglawas o ‘local law firm’ ha Pilipinas, subay ha Cybercrime Investigation and Coordinating Center (CICC).
Magbubug-os hin representasyon an nasabi nga ‘online communication platform’ agud magserbi nga tinaglwas ngan sumunod na gihapon ha mga aludayday han nasud.
An nasabi nga plano in an napagdiskusyunan nga mga magkamay-ada an CICC, ha pangunguna ni Dir. Usec. Aboy Paraiso, hin pagharampang kaupod hi Discord Senior Policy Advisor for Asia-Pacific Vasundhara Singh.
Manunumduman nga bumista an nasabi nga opisyal han Discord ha Pilipinas mahuman siguraduhon an pakikigsumpayan ha gobyerno para ha panuyo nga pakusgon an ‘online child safety’ ngan maiduso an mas talwas nga ‘digital space’.
Ini in kadungan ngan subay ha nagtitikahitaas nga ihap han mga hulga han ‘online sexual abuse or exploitation of children’ (OSAEC) ngan NVE o nihilistic violence extremism.
Gin aghat naman han Discord an ahensya nga tagan hin pagklaro an kasumpay ha angyo kun an karuyag ba in usa nga ‘local representative’ o kinahanglan hin pisikal nga opisina agud makag-operate ha nasud.
Sanglit, iginduon ni CICC Usec. Paraiso nga kinahanglan an ira tinaglawas in mayda sakto nga otoridad agud batunon an mga isyu kaysa kutob la ‘contact.’
