-- Advertisements --
Nagpahayag hin mensahe ni Defense Secretary Gilberto Teodoro Jr. ha mga masunod nga military leader han nasud nga diri magin kumpiyansa, kasunod han panawagan nga padagmiton an pagpapakusog han depensa ngan nasyonal nga seguridad han Pilipinas.
Ginhimo ni Secretary Teodoro an pahayag ha pagselebrar han ika-128 nga anibersaryo han Philippine Military Academy (PMA) dida han October 24, 2026 ha Baguio City.
Gindig-onan ni Teodoro nga kinahanglan magin mas ambisyoso an nasud ha pag-atuang ha mga ayat, labi na ha pagdepensa ha teritoryo ngan soberanya hini.
Sumala han sekretaryo, kinahanglan kontrahon an pahayag nga madagmit sumurender an nasud ngan pamatud-an nga andam ngan kaya panindigan han Pilipinas an mga nasyonal nga interes hini.
