Ginkumpirma han Armed Forces of the Philippines nga malinangpuson nga nakumpleto an urhi nga Rotation and Resupply Mission ha Ayungin Shoal yana nga semana.
Nabaruan nga ginsuspendi an nasabi nga RORE mahuman nga balabgan han China Coast Guard an mga tinaglawas han AFP dida han Setyembre 24.
Sumala kan AFP Spokesperson for the West Philippine Sea Rear Admiral Roy Vincent Trinidad, ginmalatumat hini nga dire hira naaro hin permiso ha China agud igdumara an nasabi nga misyon, iba ha ginpapasamwak han China Coast Guard nga nagdudumara hira hin confirmation checks ngan supervision ha operasyon han mga Pilipino.
Dugang naman ni Trinidad, imbento nga naratibo la ini han China sugad han ira claim ha Batanes ngan dire na dapat mahikalasan pa mahitungod nga bangin gihapon planeta nga Pluto in angkunon pa nira.
