Posible pa magamit ha 2027 an mga pondo nga dire pa nalalabtan ha ilarom han unprogrammed appropriations han 2026 budget.
Sumala kan Solicitor General Darlene Berberabe, posible nga dad-on ha masunod nga tuig an nasasalin nga pondo, pero nakadepende ini ha magigin desisyon han korte ha mosyon nga igsasalawad han gobyerno.
Kaupod ha mga programa nga mayda nakaalutaga nga unprogrammed appropriations an mga proyekto nga public-private partnerships, mga proyekto nga ginpopondohan kaupod an iba nga nasud, ngan modernisasyon han Armed Forces of the Philippines (AFP).
Naglalaum an OSG nga maie-eksplikar ha mga mahistrado an posible nga epekto han ira desisyon ha mga programa han gobyerno.
Syahan na nga ginsuhestyon han Office of the Solicitor General (OSG) an Malacañang ngan Department of Budget and Management (DBM) nga dire anay gamiton an mga pondo samtang waray pa pinal nga desisyon an korte.
