Nadiskubrehan han mga astronomers ha pinaka-siyahan nga higayon an usa nga green star ha kalawakan nga gintawag nga WD J1330+6435, usa nga white dwarf nga matatad-an 280 light-years an kahirayuon tikang ha Earth.
Sumala ha pag-aram nga ginpangunahan han University of Warwick ha England, nagkamayda hin kolor green an bituon mahuman hini kaonon an mga nabilin nga debris han mga nakapalibot nga planeta.
Gineksplikar han mga dalubhasa, an hataas nga densidad han white dwarf in nagdurot hin padayon nga pagbangga han helium atoms ha sodium atoms, sanglit nagbag-o an nakikita nga lamrag hini ha spectrum.
Imbes nga busag, na-absorb han mga atomo an mga kolor pula ngan darag samtagng gingagawas naman an berde nga lamrag nga pambihira makit-an ha mga bituon.
An makasaysayan nga diskubre in ginsurat ha journal nga RAS Techniques and Instruments nga nagpapamatuod nga an universe in puno hin mga kakaiba nga misteryo.
