Ginpahayag ni Leonardo Montemayor, Chairman han Federation of Free Farmers, nga posible nga humitaas pa an kabug-usan nga iban ha produksyon han humay ha nasud yana nga tuig kasunod han padayon nga epekto han El Nino.
Sumala kan Montemayor, posible nga umabot o lumahos pa ha one milyon metric tons an iban ha harvest ha nasasalin nga parte han panahon kun dire dayon makakaghimo hin pitad.
Kasumpay hini, gin-aghat niya an National Food Authority nga pahugton an pagpalit han mga humay para ha mga lokal nga para-guma ha pamamaagi han government support price.
Ginsuhestyon gihapon niya an pagpapadagmit ha pagtindog ngan paggamit han mga solar-powered irrigation system agud masigurado nga may insakto nga patubig an mga parag-uma, pati na an pandestribwer hin kadugangan nga fertilize ngan fuel subsidies para ha ira mga kagamitan.
