Iginduduso ni Parañaque 2nd District Rep. Brian Yamsuan an paggamit han makabag-o nga teknolohiya ha urban farming agud mapakusog an suplay ngan abot-kaya ngan masustansiya nga pagkaon para ha kumunidad.
Iginsalawad ni Yamsuan an House Bill No. 9473, nga panuyo nga himuon nga permanante nga programa han gobyerno an National Urban Agriculture and Peri-Agriculture Program (NUPAP) ngan mag-alutaga hin pondo nga magsisigurado ha padayon nga implementasyon hini.
Sumala kan Yamsuan, pwede himuon nga tanuman hin utanon an mga bakante nga lote ha barangay agud makabulig ha panginahanglan han pagkaon han mga pamilya ngan makahimo hin mapagkakakitaan pinaagi han pagbabaligya han harvest ha mga karinderya ngan merkado.
Igin suhestyon gihapon ni Yamsuan nga pagsumpayon an mga programa han Department of Agriculture, Department of Trade and Industry, Department of Labor and Employment, ngan Technical Education and Skills Development Authority para ha pondo, trabaho, ngan paghag-id ha makabag-o nga gobyerno agud masigurado an seguridad ha pagkaon.
Sumala ha magbabalaod, umubos ha P183.4 milyon an panukala nga pondo han NUPAP para ha 2026, tikang ha P390.9 milyon dida han 2026 ngan P439.2 milyon dida han 2025.
Pinaagi han panukala, karuyag masigurado an regular nga pondo ngan mapahaluag an paggamit han mga bakante nga lote ngan iba pa nga epasyo para ha urban agriculture.
