Posible nga magpagawas hin resolusyon an Senado kasumpay han ayat han Chinese Embassy ha mga magbabalaod nga igdeklara nga persona non grata hi Chinese Ambassador to the Philippines Jing Quan mahitungod ha iya mga pahayag kontra ha Pilipinas.
Sumala kan Sen. Joseph Victor “JV” Ejercito, gin iistoryahan na han mga senador an posibilidad nga magpagawas hin resolusyon kasunod han nagin pahayag han embahador nga posible daw dini madali nga pirdihon han China an Pilipinas kun magamit ini hin pwersa kasumpay ha istoryahon ha West Philippine Sea.
Gin pahayag han senador nga posible gumios an Senado kasumpay han istoryahon sugadman in waray pa pinal nga desisyon ha nasabi nga resolusyon.
Igin hulagway ni Ejercito kumo “very rude, hostile, and undiplomatic” an mga pahayag ni Jing, nga nagpahayag nga mas ginpipili han China an kahimyang ha kaluyo han kapas hini nga gumamit hin pwersa.
Para ha senador, dire nakakabulig ha pagpapaupay han sumpayan han Pilipinas ngan China an mga pahayag nga mas nagpapakusog la han tensyon.
An istoryahon in kasunod han panawagan han pira nga magbabalaod nga igdeklara nga persona non grata hi Jing, o igkonsidera hiya nga dire makaru-karawat nga tinaglawas han China ha Pilipinas, mahitungod ha iya mga nagin pahayag.
Samtang, gin ayat naman han Chinese Embassy an mga magbabalaod nga igduso an nasabi nga pitad.
