Siyam ka-adlaw ugsa an pagdudumaraon nga piniliay ha Israel, opisyal nga ginendorso ni US Pres. Donald Trump hi Prime Minister Benjamin Netanyahu ha pamamaagi han iya pahayag ha Truth Social.
Ginparayaw han presidente han Estados Unidos nga hi Netanyahu in usa nga waray hadlok nga lider ngan maupay nga kaupod ha pakikig-ato ha tarhog han nasud Iran.
Nagpahimatngun gihapon hi Trump nga kun dire utro maitudlok hi Netanyahu in mapipiritan an Amerika nga solohon nga atubangon ngan atuhan an militar han Iran nga waray suporta han Israel.
Ha kaluyo han mga notisya nga dire naabuyon an pira nga advisers han presidente ha pampubliko nga pag-endorso, nagpaabot naman hin kinasing-kasing nga pasasalamat hi Netanyahu ha ginpakita nga suporta han lider han Estados Unidos.
