Usa nga pambihira nga baby turtle nga may duha nga ulo an natad-an ha Cape Cod, massachusetts ngan presente nga ginmo-monitor han mga beterinaryo ha usa nga wildlife center.
An gutiay nga diamondback terrapin in nadiskubre han mga volunteer han Mass Audubon Wellfleet Bay Wildlife Sactuary, usa nga protected nesting site.
Han umulpot ha center, 5.2 grams la an timbang han ba-o, haros kabug-at la hin usa nga sinselyo.
Ginpanganak an hatchling gna may gintatawag nga bicephaly, usa nga rare congenital condition kun diin nagtitikang matunga an embryo nga baga-baga hin nagbubug-os hin kambal pero dire ini dali-dali nga nagtunga, sanglit nabug-os an usa nga hayop nga mayda duha nga ulo.
Ha pagkayana, ginmalatumat han mga beterinaryo nga normal naman an nasabi nga ba-o, nakakalangoy ngan aktibo ini, bisan man nga daw magkaiba hin “personality” an duha nga ulo.
