Sumaka na ha panibag-o nga record-high nga P19.61 trilyon an kabug-usan nga outstanding debt han Pilipinas ha paghuman han bulan han Agosto 2026.
Sumala ha Bureau of the Treasury, nadugngan hin P212.62 bilyon o 1.12% an national debt tikang ha anay P19.39 trilyon dida han Hulyo mahitungod ha pag-iisyu han mga domestic government security ngan paghinay han kantidad han piso kontra dolyar.
Ha kabug-usan, P13.4 trilyon o 67.53% an nagtikang ha mga lokal nga ginkukuhaan samtang P6.37 trilyon o $101.92 bilyon naman an tikang ha langyaw nga ginkukuhaan basar ha trading nga P62.50 kada dollar kun diin, nangangaruyag signgon la nga 10.72% an ginhitaas han utang kumpara han Disyembre 2025.
Ginlalauman naman nga mahitaas pa an kabug-usa nga utang han Pilipinas pag-abot han 2027 mahitungod nga plano nga mangutang han gobyerno hin kadugangan nga P1.7 trilyon agud pondohan an ginlalauman nga budget deficit.
