Gin-undang na han Commission on Elections (COMELEC) an ngatanan nga aktibidad ngan pag-andam ha Barangay and Sangguniang Kabataan Elections (BSKE) nga nakatalaan unta ha November 2, 2026, mahuman mahimo nga balaud an pagpostpone hini.
Sumala kan COMELEC Chairman George Erwin Garcia, kaupod ha mga kakanselahon an pagsusumite hin certificate of candidacy (COC) nga nakatalaan unta nga tikangan ha Lunes, Setyembre 28, tubtob Oktubre 5. Dugang pa hini, mawawara na gihapon an mga pag-istrikto ha paggastos para ha social services ngan public works tungod ha pagtanggal han election period.
Samtang, umabot na ha P8 bilyon an nagastos han COMELEC para ha preparasyon han nasabi nga eleksyon. Ha luyo hini, ginsigurado ni Garcia nga diri makakarag an mga nagastos nga pondo.
Ha ilarum han bag-o nga balaud, ha ikaduha nga Lunes han Nobyembre 2028 pagdudumaraon an masunod nga BSKE.
