Ginpahayag ni Securities and Exchange Comission Dir. Gerardo del Rosario nga waray nakasumite ha ira ahensya nga opisyal nga dokumento han divestment nga nagpapamatuod nga ginbalhin ni VP Sara Duterte an iya ownershop ha ira kumpanya ngadto ha iba nga tawo.
Gumawas an pahayag mahuman nga paki-anhan ni Senator-Judge Risa Hotiveros an testigo han prosekusyon kun may naisumite nga pormal nga dokumento ha SEC kasumpay ha gin-aalegar nga pag-divest han Bise Presidente ha mga negosyo nga nauna na nga ginpaghisgotan ha impeachment trial.
Eksplikar ni Del Rosario, may pira nga kumpanya kun diin waray nala magpakita an ngaran ni Duterte kumo stockholder o director sumala ha General Information Sheet o GIS.
Ginklaro naman han testigo nga an basaranan han SEC ha pagkawara han ngaran han bise in an mga sumulod nga GIS ngan waray bulag nga legal nga papel nga nagpapamatuod han pormal nga pagbalhin han ari-arian.
