Sumaka ha kabug-usan nga 856,291.91 metric tons an nahipatik nga dakop han sektor han pangingisda ha nasud ha siyahan nga tulo ka-bulan han 2026, basar ha Fisheries Situation Report han Philippine Statistics Authority.
Nanguna ha datos an subsector han aquaculture mahuman ini makag-amot hin pinakadako nga parte nga maabot ha 432,755.09 metric tons o 50.5%, na-ikaduha an commercial fisheries nga aada ha 205,234.50 MT o 24.0% nga kabug-usan nga dakop ha bug-os nga nasud.
Nasunod naman an marine municipal fisheries nga nakag-amot hin 168,022.32 MT o 19.6% ngan aada naman ha kaurhian an inland municipal fisheries nga may 50,279.97 MT o 5.9% nga amot.
Ha kabug-usan, ginpapalita han datos han PSA nga an aquaculture ngan commercial fishing la gihapon an pangunahon nga ginkukuhaan hin suplay han isda ha Pilipinas.
