-- Advertisements --
Natuo hi Department of Justice Sec. Fredderick Vida nga lehitimo o mayda kamatuoran an naeksperyensiyahan nga pagkabaraka ni VP Sara Duterte ha seguridad han iya kinabuhi.
Aminado hi Vida nga ginkakasubo niya han ginmalatumat han bise presidente nga dire hiya talwas han pumakadto ini ha Quezon City Regional Trial Court.
Manunumduman nga naatubang hin kaso nga grave threats hi VP Sara Duterte sanglit pumakadto ini ha nasabi nga korte agud mag-piyansa mahuman isyuhan han “warrant of arrest” han hukmanan.
Samtang dugang pa ni Vida, dire dapat i-gaslight o igsalikway ngan husgahan an naabatan han usa nga indibidwal, pero dire dapat nga mag-speculate pa kun ano an katikangan han pahayag.
