TACLOBAN CITY – Haros siento porysento han mga Motorcab for Hire (MCH) drivers ha syudad han Tacloban an nagpakakarawat hin fuel subsidy ha gindumara nga payout kakulop nga adlaw, Abril 8 ha Tacloban City Convention Center (Astrodome).
Sumala kan Tacloban Unified Motorcab for Hire Drivers and Operators Association President, Edgardo Waniwan, ada ha 98% nga ira igkasi-MCH drivers an nagpapakuha han subsidiya nga nagkakantidad hin P5,000 kada usa han drivers kakulop nga adlaw, Abril 8.
Ha kaluyo hini in mayda pa naman iba o 2% han ira kabug-usan nga ihap an waray pa makakuha han subsidiya.
Subay ha pamakiana ni Waniwan ha Department of Social Welfare and Development, may-ada pa pagbubuhaton nga ikaduha nga batch han payout han subsidiya pero waray pa petsa kun san-o ini pagdudumaraon.
Kadungan han pagbubuhaton nga ikaduha nga payout in an pag-validate gihapon hadton mga waray makagpa-validate dida han Marso 30, kun diin posible gihapon mahilakip na adton mga bag-o pala nga nagpa-renew han ira rehistro.
