LIMAWASA–Talwas na an 9 nga pasaheros ngan 2 nga tripulante, mahuman an mga ine ma rescue hiton mga otoridad, han malunod an ginsasakyan han mga ine ha San Agustin, Limasawa, Southern Leyte.
Sumala kan Marie Ann Dagohoy-Kangleon, Local Disaster Risk Reduction and Management Officer, Limasawa Southern Leyte, illegal nga bumiyahe an nasabi nga sakayan pandagat, matungod nga nagpirit an mga pasaheros nga umole an mga ine tungod nga schedule na han ira flight.
Dugang pa hine, pira ha mga pasaheros, in taga Manila, ngan pira naman ine mga residente hiton Brgy. Magallanes Limasawa Southern Leyte, samtang usa naman an magturotdo.
Subay pa kan Dagohoy-Kangleon, waray magdadahom an mga pasaheros nga madidisgrasya an ira biyahe matungod ga dire naman kalakip ha Signal #1 an nasabi nga lugar ha mao nga adlaw.
Samtang nabiyahe an mga ine ginlupad hiton hangin an trapal han nasabi nga sakayan, rason han pagtaob hine.
Malinampuson naman nga na-rescue an mga sakay hini ha usa nga joint operation han mga Coast Guard personnel ngan Limasawa Emergency Rescue Team, mahuman an pira ka minutos nga tumaob an ira ginsasakyan.
