-- Advertisements --
INTERNATIONAL – Patay an siyam katawo mahuman nga bumuto an Lewotobi Laki-laki volcano ha eastern Indonesia.
Naggawas hin explosive lava plumes an bulkan nga nagresulta han pagbakwit han mga otoridad ha pira nga residente tikang ha kahirani hine nga village.
An nasbai nga bulkan in makikit-an ha Flores Island ha East Nusa Tenggara province.
Sumala kan Center of Volcanology and Geological Hazard Mitigation (PVMBG) spokesperson Hadi Wijaya, naggawas an bulkan hin nagbabaga nga lava, volcanic ash, ngan nagkakalayo nga mga bato.
Mahuman an pagbuto in nawara an suplay han kuryente, umuran, ngan nagkamay-ada hin mga pagkikidlat nga nagdurot han pagpanic han mga residente didto.
An Indonesia in ada ha sulod han Pacific Ring of Fire.
