TACLOBAN CITY– Nag-augment an 8ID Philippine Army, hin mga tinaglawas ha Bicol region.
Sumala kan BrigGen Perfecto Peñaredondo, Acting Division Commander, 8ID Philippine Army, nakag send-off na an ira han-ay ngan hapagkayana in matabok na an mga ine ha Allen Port pakadto ha Matnog.
Dugang pa ni Peñaredondo, waray anay tuguti nga makabiyahi an mga ine matungod nga nagpapabilin nga malain an panahon ngan makusog an subasko hiton balod ha dagat.
Ginkakalakipan naman an mga ine han PNP, BFP, Coast Guard ngan pira pa nga mga tinaglawas hiton rescue team.
Ginmalatumat naman hine, nga pag-abot ngadto an matapo ha ira in an tropa han kasundaluhan nga ada ha ilarom han 9ID Philippine Army, ngan OCD region 5.
Uunahon han mga ine adton mga lugar nga dire pa narerespondihan, ngan magpapabilin an mga ine nga naka deploy kutob nga ginkikinahanglan pa an ira presensya ha nasabi nga lugar.
