Gin amin ni Presidente Ferdinand Marcos Jr. nga poisble dire na makab-ot han nasud an ginlalauman nga 8% economic growth target pag-abot han 2028 kasunod han padayon nga paghinay han piso ngan pagsirit han presyo han lana.
Sumala ha Presidente, kinahanglan na bag-uhon han gobyerno an ira mga economic projection labi na nga umabot na ha P60 an balyuay han piso usa ka-dolyar dida han nakalabay nga adlaw.
Gin klaro hini nga mayda limitasyon an kapas han gobyerno nga pugngan an paglaprak han kantidad han salapi han Pilipinas.
Iginduon ni Marcos nga dire praktikal nga ubuson an foreign reserves han nasud para la depensahan an piso, mahitungod nga an pagkiwa hini in direkta nga diktado han world market.
Gintudlok han Presidente an nagtitikaduro nga tensyon ha Middle East kumo pangunahon nga rason han pagmahal han petrolyo.
Mahitungod nga duro nga naglalaum an Pilipinas ha imported oil, otomatiko nga nagmamahal an gastos ha pag-angkat han mga produkto.
Resulta hini nga sitwasyon, ginlalauman na an paghitaas ha presyo han mga pangunahon nga papliton.
Direkta nga maaabat han mga ordinaryo nga Pilipino an epekto han krisis pinaagi han mas mahal nga pamasahe ha transportasyon ngan presyo han pagkaon ha mga masunod nga bulan.
