NATIONAL NEWS– Posible nga tikangan an impeachment trial ni Vice President Sara Duterte kahuman hiton ika-4 nga State of The Nation Address (SONA) ni Pangulong Ferdinand Marcos Jr.
Ine in subay kan Senate President Francis “Chiz” Escudero, tungod nga dire na ig-aawag hiton oras ha 19th Congress ngan ira ine titikangan ha 20th Congress.
Dugang pa hine , damo pa an hihimuon han mga senador ugsa makagtikang ngan makapag-convene ha impeachment court.
Dire gihapon sadang an 20 ka-adlaw kun magkakamayda hin emergency session tungod ha magkalain-lain nga mga rasones.
Ginkumpirma gihapon ni Escudero nga lehitimo an 251 nga pirma han mga manbaralaod mahuman nga makarawat han ira opisina an impeachment complaints tikang ha House of Representatives.
Manunumduman, han nakalabay nga adlaw, nakakuha hin 215 nga pirma tikang ha mga manbaralaod tikang ha Kamara an ika-upat nga impeachment complaints kontra kan VP Duterte.
Pero ha kaluyo hine, nag-adjourned na an Senado ngan waray ine mapaghisgutan an nasabi nga impeachment, ngan mabalik naman an utro nga session ha Senado ha Hunyo 2, 2025.
