TACLOBAN CITY – Pormal na nag gin abrihan dida han nakalabay nga adlaw, Mayo 5, an pagtikang han Eastern Visayas Regional Athletic Association (EVRAA) Meet 2024 nga gin dudumara ha host division nga Ormoc City.
Sumala kan Dr. Nilo Eder, Information Officer hiton Deped Tacloban City Division, nagin maanyag ngan bongga iton nagin pag-aabri kagab-i han nasabi nga kompetisyon kun diin gin atendiran hin pira nga mga opisyal tikang ha nasyunal.
Nagin star-studded gihapon an opening mahuman nga presente nga umatender ngan mag perform an pira nga mga artista sugad kanda Alex Gonzaga, Julie Ann San Jose, Andrew E., ngan boy group nga BGYO.
Samtang, kakulop nga adlaw, May 6, in pormal naman nga gintikangan na an mga magkaduru-dilain nga sporting events.
Ada naman ha 13 nga dibisyon han Sinirangan Bisayas an bulig ha nasabi nga event, amu an mga dibisyon han; Baybay City, Biliran, Borongan City, Calbayog City, Catbalogan City, Eastern Samar, Leyte, Maasin City, Northern Samar, Samar, Southern Leyte, Tacloban City, ngan Ormoc City.
Nakatalaan naman nga mahuman an nasabi nga sports event yana nga Biyernes, Mayo 10, 2024
