TACLOBAN CITY – Andam ngan all-set na an mga otoridad hairamga preparasyon maypaghisumpay hiton seguridad ngan katalwasan han mga delegado han pagdudumaraon nga Eastern Visayas Athletic Association (EVRAA) Meet 2024 ha siyudad hiton Ormoc kun diin, pagdudumaraon ini yana nga maabot ng Mayo 5 kutob 10.
Sumala kan PLTCOL Ramil Amodia, Information Officer, han Ormoc City Police Office nga mayda na nira mga tawo nga ginpasarang ngan nagpaka-stand by ha mga eskwelahan ngan ha venue kun diin pagdudumaraon an nasabi nga paisan-isan agud nga masigurado an seguridad dire la hiton mga delegado pati na gihapon iton mga mangirita.
Maabot ha purluminos 500 nga mga kapulisan an mga nagpakadeploy, upod dinhi iton pira nga tawo hiton Philippine Army ngan mga force multipliers.
Dugang pa ni PLTCOL Amodia, nga nakipag koordinar na gihapon hira ha mga barangay chairmans nga igpasarang gihapon iton mga brgy. tanod agud magin talwas ngan manilampuson nga pagdudumaraon an EVRAA 2024.
Samtang, nagpahimatngun naman an opisyal ha mga guardians han mga mapartisipar hiton EVRAA Meet nga bantayon nira hin maupay an mga ini para ha seguridad ngan waray may manabo nga dire maupay labi na nga nagtitikahirani na iton pamulay.
