TACLOBAN CITY – Nabungkag han mga otoridad an usa nga drug den ha Brgy. Zone 1, Baybay City mahuman an gindumara nga buybust operation.
Ginkilala an mga suspek kanda Jaime Morales, 35-anyos an pangidaraon, Ruem Baclayon, 34-anyos an pangidaron, parehas residente han nasabi nga barangay, Danilo Longheno, 37-anyos, residente han Santa Cruz, Baybay City, Leyte, ngan Alfredo Biterbo III, 31-anyos, residente han Zone 15, Baybay City, Leyte; ngan usa nga menor de edad.
Nakuha ha mga suspek an upat kabug-os han gin aalegar nga shabu nga mayda kabug-aton nga dire maubos ha 10.02 kagramos ngan mayda market value nga P67,500 ngan iba pa nga mga drug paraphernalias.
Mag-aatubang naman hin kaso-pagtalapas ha RA 9165 o Comprehensive Dangerous Drugs Act of 2002 an mga suspek ngan temporaryo an mga ine nga nakapaslak ha Baybay City Police Station Lock-Up Facility.
