TACLOBAN CITY – Maabot hin 66 nga mga delegado tikang ha probinsiya hiton Biliran an gindara ha mga hospital ha Ormoc City mahitungod hin gin-aalegar nga food poisoning.
Ini nga mga delegado in kaparte han Eastern Visayas Regional Athletic Association (EVRAA) nga nag- abre pala ha Ormoc kakulop nga adlaw Sabado, Abril 6.
Base ha inisyal nga report, ini nga mga delegado in temporaryo nga nagpipirme ha New Ormoc City National High School.
Mababaruan nga ini nga grupo in may kalugaringon paragluto ngan caterers.
20 ha mga biktima in gindara ha Ospa Farmers Medical Center, 30 naman an gindalagan ha Ormoc District Hospital, samtang 16 liwat an gindara ha Ormoc Doctors’ Hospital.
Nag-iimbestigar na liwat an City Health Office han Ormoc pinaagi kan Dr. Edmund Kierulf para mahisabtan an tinood nga hinungdan han panhitabo.
Mababaruan nga maabot hin 10,000 katawo tikang ha 13 nga divisions ha Sinirangan Bisayas an nakatalaan nga magpartisipar para ha EVRAA yana nga tuig.
