TACLOBAN CITY– Patay an 6 nga mga walhon nga grupo, mahuman an nagin engkwentro han mga ine kontra ha mga militar didto ha boundery han BRGY. Paco ngan Caputoan han Las Navas Northern Samar.
Sumala kan 8ID Philippine Army, Division Public Affairs Office, Capt. Jefferson Mariano, naka-karawat hira hin tawag tikang ha usa nga concern citizen, nga mayda nagliliniyong-liyong nga presensya han mga rebelde, kun diin dayon naman an mga ine nagdumara hin pagpatrolya.
Ma-agahon natabo an engkwentro, kun diin humagos ine hin 30 minutos, an nagin balyuay hiton buto han pusil han duha nga kampo.
Ngan han mahuman na an engkwentro, nabaruan han militar nga an ira naka-engkwentro in an grupo hiton Sub-Regional Committee Emporium Eastern Visayas Party Committee.
Nagbaya an nasabi nga engkwento hin 6 nga patay nga lawas han mga rebelde, 2 M16, 2 nga pistola, anti-personal mines, granada, nga mga personal belongings.
Ha pagkayana, padayon pa an ginhihimo nga imbestigasyon han mga otoridad kasumpay ha nasabi nga engkwentro.
