TACLOBAN CITY – Ada ha 50 nga indibidwal kada barangay ha syudad han Tacloban han benepisyaryo han patikang nga rollout han P20 kada kilo nga bugas.
Nakatalaan manggud pagdumaraon buwas nga adlaw, Mayo 14 an rollout han P20/kilo nga bugas ha Tacloban City Sports Complex.
Ada naman ha 1000 nga benepisyaryo an kabug-usan nga ihap han makakapalit han bugas kun diin ada ha 10 kilos an pwede mapalit han kada-indibidwal.
Sumala kan Tacloban City Agriculturist Office Head, Romelo Anade ini nga mil nga benenipisyaryo in dire pinili la, kundi patikang pala mahitungod nga mayda paman masunod nga mga pagbaligya ha mga barangay nga mismo.
Panuyo han tag-P20 kada kilo nga bugas nga makabarato an mga Taclobanon ha pagpalit hin bugas, labi na nga an pamresyuhan yana han bugas in naabot hin P58 ngada ha P59 an kada kilo.
Naglalauman an City Agriculturists Office nga magsusunod an mga benepisyaryo ha igpapatuman nga aludayday han ahensya agud magmahimyang an pamalit han bugas.
